हवेत गोळीबार केल्याने चोरटे पळाले,ग्रामस्थांनी पकडले
बीड जिल्ह्यामध्ये चोरांचा धुमाकूळ,नागरिकात भीतीचे वातावरण

आनंद वीर(प्रतिनिधी) मागील काही महिन्यापासून बीड जिल्ह्यामध्ये चोरट्याने अक्षरशः धुमाकूळ घातला असून जिल्ह्यामध्ये दररोज कुठे ना कुठे चोरी झाल्याच्या घटनात वाढ झाली असून पोलीसानी देखील रात्रीचे ग्रस्त वाढवली असून, शहरातील युवकांनी आपल्या भागात तसेच ग्रामस्थांनी आप आपल्या गावामध्ये, वस्तीवर रात्रीचे जागरण सुरू केले आहे. आष्टी तालुक्यातील कडा चोभानिमगाव येथे दिनांक 16 ऑगस्ट रोजी पहाटे झगडे यांच्या घरी कोयता, लोखंडी गज घेऊन सहा चोरट्यांनी दरोडा टाकण्याचा प्रयत्न करत धिंगाणा घालत घरातील रोकड,दागिने हवाली करण्याची धमकी दरोडेखोरानी दिली मात्र झगडे यांनी प्रसंगावधान राखून परवानाधारक बंदुकीतून हवेत गोळीबार केल्याने दरोडेखोरांणी तेथून पळ काढल्याने चोरीचा प्रयत्न फसला व दरोडेखोर दुचाकीवरून पळून जात असताना यादरम्यान ग्रस्तिवर असलेल्या ग्रामस्थांच्या मदतीने पोलिसांनी तीन दरोडेखोरांच्या मुसक्या अवळन्यात आल्या.तर तीन दरोडेखोर अंधाराचा फायदा घेत पसार झाले.ते दरोडेखोर अहमदनगर जिल्ह्यातले असून याप्रकरणी आष्टी पोलीस ठाण्यात गुन्हा दाखल करण्यात आला, पोलिसांनी ताब्यात घेतलेल्या तीनही दरोडेखोरांना आष्टी न्यायालयासमोर हजर केले असता त्यांना तीन दिवसाची पोलीस कोठडी सुनावली पुढील तपास आष्टी पोलीस ठाण्याचे सहाय्यक पोलीस निरीक्षक विक्रांत हिंगे करत आहेत.