ताज्या घडामोडी

अवैध वाळू वाहतूक करणारा ट्रक पोलिसांनी पाठलाग करून पकडला

बीड स्थानिक गुन्हे शाखेची कारवाई.

आनंद वीर(प्रतिनिधी)बीड जिल्ह्यात वाळू उपसा व वाहतूक करण्यावर बंदी असताना देखील रोज शंभरच्या वर वाहनाने अवैध वाळू वाहतूक केली जाते. त्यावर पोलिसांकडून कारवाई देखील मोठ्या प्रमाणत केली जात आहे. अविनाश बारगळ यांनी बीड पोलीस अधीक्षक पदाचा सूत्रे हाती घेतल्यापासून अवैध धंदे करणारे, दहशत वजवणारे गुंड , घरपोडी मधील आरोपी यांच्यावर कारवाई करण्याच्या सूचना दिल्या. स्थानिक गणेश शाखेचे पोलीस निरीक्षक उस्मान शेख यांच्या अधिपत्याखाली करवाई करण्यास सुरुवात झाली.वाळू वाहतूक करणाऱ्या वाहनावर कारवाई कारणासाठी पथकाला सूचना देऊन कारवाई करण्यास सांगितल्या, त्या अनुषंगाने गेवराई तालुक्यातील राक्षसभुवण परिसरात अवैध वाळु वाहतूक करणारा ट्रक पकडला स्थानिक गुन्हे शाखा,बीड ने छापा टाकुन वाळू सह 20.50 लाखाचा मुद्येमाल जप्त केला. दिनांक 11/09/2024 रोजी पो.उप.नि.सिध्देश्वर मुरुकूटे यांचे पथक गेवराई हद्दीत पट्रोलिंग करत असतांना तलवाडा फाटा येथे गोपनिय बातमी मिळाल्यावरुन राक्षसभुवण येथे एक अशोक लिलँड कपनीचा ट्रक अवैधरित्या, विनापरवाना वाळु घेवुन जात असल्याची खात्रीलायक माहिती मिळाल्यावरुन राक्षसभुवन रोडवर सावरगाव शिवारात सापळा रचुन अवैध वाळू वाहतूक कारणारा ट्रक पकण्यात आला. सदर ट्रकची पाहणी केल्यास त्यामध्ये सात ब्रास वाळू असल्याचे निष्पन्न झाले . त्यावरून आरोपी नामे शंकर बाबुराव सुगडे रा.रुई, ता.गेवराई जि.बीड याच्यावर गेवराई पोलीस स्टेशन येथे गुन्हा दाखल करण्यात आला व वाळू चा ट्रक जप्त करण्यात आला आहे एकूण वीस लाख पन्नास हजार रुपयांचा मुद्देमाल जप्त करण्यात आला.आरोपीस पुढील कारवाईसाठीगेवराई पोलीस स्टेशन यांच्या ताब्यात देण्यात आला आहे. पो.स्टे.गेवराई येथे आरोपी शंकर बाबुराव सुगडे वय 30 रा.रुई ता.गेवराई याचे विरुध्द गुरनं 389/2024 कलम 303(2) भा.न्या.सं.प्रमाणे गुन्हा नोंद करण्यात करण्यात आला. यापुढेही स्थानिक गुन्हे शाखा,बीड कडुन अशाच प्रकारच्या कारवाया करण्यात येणार आहेत. सदरची कामगिरी अविनाश बारगळ पोलीस अधीक्षक,बीड, सचिन पांडकर अपर पोलीस अधीक्षक बीड, पो.नि.उस्मान शेख स्था.गु.शा.बीड यांचे मार्गदर्शनाखाली पो.उप.नि. सिध्देश्वर मुरकुटे, स.फौ./ तुळशीराम जगताप, कैलास ठोंबरे, मनोज वाघ, विकास वाघमारे, राहुल शिंदे, चालक पो.शि/सुनिल राठोड यांनी केली.

संपादक- गंमत भंडारी | का.संपादक- आर.डी. जोशी

बातम्या आणि जाहिरातीसाठी संपर्क 8623880100

Leave a Reply

Your email address will not be published. Required fields are marked *

Back to top button