
शहर पोलीस ठाण्याचे पोलीस निरीक्षक बल्लाळ यांच्या DB पथकाने नकली नोटा देताना दोघांना रंगेहाथ पकडले, पाचशेच्यानकलीनोटा जप्त.
आनंद वीर (प्रतिनिधी) बीड शहरामध्ये पाचशे रुपयांच्या बनावट नोटा चलनात वापरतांना पोलीसांनी दोघांना रंगेहाथ पकडले. यावेळी त्यांच्याकडून पाचशेच्या चार नकली नोटा जप्त करण्यात आल्या असुन ही कारवाई पोलीस अधिक्षक अविनाश बारगळ, अप्पर पोलीस अधिक्षक सचिन पांडकर यांच्या मार्गदर्शनाखाली शहर ठाण्याचे पो.नि. शितलकुमार बल्लाळ यांच्या टीमने दिनाक १५ सप्टेंबर रोजी रात्री११ वाजण्याच्या सुमारास शहरातील कागदी दरवाजा भागात केली. दरम्यान याप्रकरणी गुन्हा दाखल झाला असुन दोघांची कसून चौकशी करण्यात येत आहे. यामध्ये मोठे रॅकेट उघडकीस येण्याची शक्यता वर्तविली जात असुन आणखी काहीनावे देखील समोर येण्याची शक्यता पोलिसांनी वर्तवली आहे.बीड शहर ठाण्याचे पोलीस कर्मचारी मनोज परझणे, अशफाक सय्यद, शहेंशाह सय्यद हे काल रात्री बशिरगंज चौक परिसरात पेट्रोलिंग करत असतांना दोन इसम बनाबट नोट घेवून त्या नोटा चालवण्याच्या उद्देशाने येत असल्याची माहिती त्यांना मिळाली. यावरून शहर पोलीस ठाण्याचे पो.नि. शितलकुमार बल्लाळ यांना याबाबतची माहिती दिल्यानंतर परझणे, सय्यद, नवले यांनी कागदी दरवाजा भागात एका किराणा दुकानाजवळ सापळा लावून त्याठिकाणी पाचशे रुपयांच्या बनावट नोटा घेवून आलेल्या दोघांना पकडले. त्यांची झडती घेतली असता त्यांच्याकडे पाचशे रूपयांच्या चार बनावट नोटा आढळुन आल्या. या प्रकरणी पोलीसांनी आकाश रमेश जाधव (वय २२ सोमेश्वर नगर, बीड) आणि एका अल्पवयीन मुलाला ताब्यात घेतले.या प्रकरणात पो.शि.मनोज परजणे यांच्या फिर्यादीवरून दोघांविरुध्द शहर पोलीस ठाण्यात गुन्हा दाखल करण्यात आला असून बनावट नोटा चलन रॅकेट मध्ये आणखी काही नावे समोर येण्याची शक्यता आहे.