
आनंद वीर(प्रतिनिधी) धुळे सोलापूर राष्ट्रीय महामार्ग पाली गावाजवळ भीषण अपघातात दुचाकी वरील एक जण जागीच ठार झाल्याची घटना आज दुपारी १ वाजता घडली. बीड कडून मांजरसुंबा कडे जाणारी इनोव्हा क्रमांक MH 23 E 7878 या चारचाकी वाहनाने दुचाकी क्रमांक.MH 23 BE 7712 ला पाठीमागून जोराची धडक दिल्याने या धडकेत दुचाकी स्वार गंभीर मार लागल्याने सरवर चांद शेख वय 55 वर्ष रा बालेपीर जागीच ठार झाले. इनोव्हा कार बीड येथील डॉक्टरची असल्याचे समजते.या अपघातात एक ठार एक गंभीर जखमी झाला असून जखमीचें नाव नदीम बशीर शेख वय 42 वर्ष असे आहे.पाली येथील ग्रामस्थांनी अपघातात जखमी व्यक्तीस बीड येथील शासकीय रुग्णालयात पुढील उपचारासाठी दाखल करण्यात आले. अपघाताची माहिती मिळतात अपघातस्थळी बीड ग्रामीण पोलीस ठाण्याचे कर्मचारी दाखल झाले. व वाहतूक सर्वे केली.