चकलंबा पोलीस ठाणे प्रमुख संदीप पाटील.
विधानसभा निवडणुकीच्या अनुषंगाने पोलीस दलात खांदेपालट.

आनंदवीर(प्रतिनिधी)बीड विधानसभा निवडणुकीच्या अनुषंगाने बीड जिल्ह्यातील पोलीस दलात खांदेपालट करण्यात आली पत्रकार मारहान प्रकरणी वादाच्या भोवऱ्यात असलेल्या चकलांबा पोलीस ठाण्याचे प्रभारी नारायण एकाशिंगे यांना देखील हटविण्यात आले असून जिल्हा विशेष शाखेतून सहाय्यक पोलीस निरीक्षक संदीप पाटील यांना त्या ठिकाणी देण्यात आले आहे. पोलीस अधिक्षक अविनाश बारगळ यांनी हे आदेश काढले.चकलांबा पोलीस ठाण्यातील स.पो.नि.नारायण एकशिंगे यांनी पत्रकाराला पोलीस ठाण्यात बोलवून बेदम मारहाण करण्यात आली होती,त्यामुळे मागील काही दिवसांपासून चकलंबा पोलिसावर रोष वाढलेला होता.तसेच लाचखोर प्रकरणामुळे ही चकलांबा पोलीस ठाण्याचे प्रकरण गाजले होते.पत्रकार मारहाणीच्या घटनेचा निषेध करत पत्रकारांनी, निर्भीड पत्रकार संघाने बीड पोलीस अधीक्षक अविनाश बारगळ यांना भेटून चौकशी करून कारवाई करण्याची मागणी केली होती.त्यामुळे चकलांबा पोलीस ठाणे प्रमुखांची उचलबांगडी करून त्याठिकाणी जिल्हा विशेष शाखेतून स.पो.नि. संदीप पाटील यांची नियुक्ती करण्यात आली. तर काही दिवसांपूर्वी बीड जिल्ह्यात दाखल झालेले पोलीस निरीक्षक शरद भुतेकर यांना आष्टी पोलीस ठाण्याची जबाबदारी देण्यात आली आहे. नारायण एकशिंगे यांना वाचक उपविभागीय गेवराई तर सोमनाथ जाधव यांना नियंत्रण कक्षात बदली झाली आहे.या बदलीचे आदेश दि. 4 ऑक्टोबर रोजी रात्री उशिरा काढण्यात आले.