ताज्या घडामोडी

शितलकुमार बल्लाळ यांच्या DB पथकाची उत्कृष्ट कामगिरी..

शहर पोलिसांनी चोरकडून चोरी केलेल्या चार मोटरसायकल केल्या जप्त.

आनंद वीर(प्रतिनिधी)बीड जिल्ह्यात मागील काही दिवसांपासून दुचाकी चोरीच्या घटना वाढलेल्या असताना स्थानिक गुन्हे शाखेने काही दिवसांपूर्वी मोठी कारवाई करत १६ मोटारसायकल जप्त केल्या होत्या. आता पुन्हा एकदा बीड शहरातील खासबागमधून एका दुचाकी चोराला शहर पोलिसांना ताब्यात घेत पाच चोरीच्या दुचाकी हस्तगत केल्या आहेत. पोलीस निरीक्षक शीतलकुमार बल्लाळ यांनच्य DB पथकाने ही मोठी कारवाई केली. दुचाकी चोरांची टोळी जिल्ह्यात सक्रिय होत असतानाच पोलिसांनी मोठ्या कारवाई करण्यास सुरुवात केली. शेख रहीम शेख राजू असे आरोपीचे नाव असून तो बीडच्या खासबागमध्ये आला होता. याची माहिती शहर पोलिसांना मिळाल्यानंतर त्याला सापळा रचून ताब्यात घेण्यात आले. यावेळी आरोपीने पोलिसांना पाच दुचाकी चोरल्याची कबुली दिली असून सदर दुचाकी पोलिसांचं ताब्यात दिल्या आहेत. ही कारवाई पोलीस अधिक्षक अविनाश बारगळ, अप्पर पोलीस अधिक्षक सचिन पांडकर, पोलीस निरीक्षक शीतलकुमार बल्लाळ यांच्या मार्गदर्शनाखाली ए.पी.आय.बाबा राठोड,मनोज परजने,अशपाक सय्यद,वायभसे यांनी केली.सासरवाडीत आला पोलिसांनी पाहुणचार केला शेख रहीम शेख राजू गेवराई तालुक्यातील उमापूरमधील रहिवाशी असल्याचे कळते. तो दुचाकी विक्रीसाठी बीड शहरातील खासबाग परिसरात असणाऱ्या सासरवाडीत आला होता. याची माहिती शहर पोलिसांना कळल्यानंतर त्याला सापळा रचून अटक करण्यात आली. सासरवाडीत आलेल्या जावयाला पोलिसांनी मात्र ठाण्यात आणून चांगलाच पाहुणचार केला होता. शहर पोलिसांनी केलेल्या कारवाईत पाच मोटारसायकल जप्त केल्या आहेत. यातील चार मोटारसायकलचा शोध लागला असून दोन मोटारसायकल शिवाजी नगर हद्दीतून तर दोन मोटारसायकल शहर पोलीस ठाण्याच्या हद्दीतून चोरीला गेल्या होत्या. अन्य एक मोटारसायकल कोणाची आहे याचा तपास पोलीस करीत आहेत.

संपादक- गंमत भंडारी | का.संपादक- आर.डी. जोशी

बातम्या आणि जाहिरातीसाठी संपर्क 8623880100

Leave a Reply

Your email address will not be published. Required fields are marked *

Back to top button