उमेदवारांची धाकधूक वाढली ! ठासून नाहीतर घासून निकाल लागणार.

बीड जिल्ह्यात विधानसभा निवडणुकीमध्ये काटेची टक्कर झाली.बीड जिल्ह्यात सहा विधानसभा मतदारसंघ असून कोणत्याच मतदारसंघा ती निवडणूक एकतर्फी झाली नाही.यामुळे आमदारकीची माळ कोणाच्या गळ्यात पडणार याची उत्कंठा शिगेला पोहोचली आहे. कोणीही विजयी झाला तरी तो अत्यंत कमी मतांनी होणार आहे. यामुळे यंदा ठासून नव्हे तर घासून निकाल लागणार असा अंदाज आहे. सर्वच पक्षाचे कार्यकर्ते हे आपल्याच उमेदवाराला गुलाल लागणार असल्याचे ठासून सांगत असले तरी उमेदवार मात्र शांत आहेत. प्रथमच जिल्ह्यात अत्यंत चुरशीच्या लढती झाल्याने अंदाज लावणेही मुश्किल असल्याचे अनेकांची प्रतिक्रिया आहे. आष्टी, गेवराई, माजलगाव, बीड या चार मतदारसंघात मातब्बर उमेदवार अपक्ष असल्याने याकडेही लक्ष लागले आहे.बीड,आष्टी,गेवराई, माजलगाव,केज,परळी असे सहा मतदारसंघ आहेत. बीडमध्ये आ. संदीप क्षीरसागर, डॉ. योगेश क्षीरसागर, अपक्ष उमेदवार अनिल जगताप, डॉ.ज्योती मेटे अशी चौरंगी लढत झाली असलीतरी खरी लढत क्षीरसागर बंधू मध्येच झाली आहे. आष्टीमध्ये सुरेश धस,शेख महेबुब, आ.बाळासाहेब आजबे, अपक्ष भीमराव धोंडे अशी लढत झाली आहे. गेवराई मध्येही बदामराव पंडित, विजयसिंह पंडित, अपक्ष आ. लक्ष्मण पवार अशी तिरंगी लढत झाली असलीतरी पूजा मोरे, प्रियंका खेडकर यांनीही मोठे आव्हान निर्माण केले. माजलगाव अपक्ष उमेवारांची चर्चाबीड मतदारसंघ अनिल जगताप, डॉ. ज्योती मेटे, भागवत तावरे आष्टी भीमराव धोंडे, माजलगाव रमेश आडसकर, गेवराई लक्ष्मण पवार या पाच जणांनी अपक्ष उमेदवार म्हणून निवडणूक लढविली आहे. हे मातब्बर उमेदवार असून, यांचे मोठे वर्चस्व आहे. यामुळे यांचे पक्षांसमोर मोठे आव्हान आहे. यामुळे अपक्ष ही विजयाच्या रेसमध्ये असून, यात रमेश आडसकर आणि भीमराव धोंडे यांच्या विजयाची अधिक चर्चा आहे. त्यामुळे उमेदवाराची धाकधूक वाढले असून उद्या दुपारपर्यंत चित्र स्पष्ट होणार असून विजयाची माळ कोणाच्या गळ्यात पडणार है समजणार असले तरी कार्यकर्ते व नेते ठिकठिकाणी चर्चा करत आहे.