ताज्या घडामोडी

बीड शहरात गोळीबार,एक गंभीर जखमी !

बीडची बिहारच्या दिशेने वाटचाल.

 

केज मसाजोग येथील सरपंच संतोष देशमुख अपहरण व खून प्रकरणाची घटना ताजी असतानाच बीड शहरात रात्री दोन वाजण्याच्या सुमारास प्रकाश आंबेडकर नगर, इमामपूर रोड भागात गोळीबाराची घटना घडली. मागील काही महिन्यात डोंगरे व आठवले यांच्यामध्ये वाद झाला होता, यामधील दोन्हीही कडील लोकांवर गंभीर स्वरूपाचे गुन्हे दाखल झाले होते. त्यातील आरोपी फरार आहेत.सनी आठवले यांचे भाऊ अक्षय आठवले यांनी प्रकाश आंबेडकर नगर भागात जाऊन मध्यरात्री डोंगरे कुटुंबीयांवर गोळीबार केला त्या गोळीबारात विश्वास(पोपट)दादाराव डोंगरे यांच्या छातीवर गोळी लागल्याने त्यांना उपचारासाठी संभाजीनगर येथे हलवण्यात आले. या गोळीबारात आठ ते दहा गोळ्या फायर केल्याचे दिसत आहे. घटनास्थळी  बीड पोलीस उपाधीक्षक,बीड पेड बीड पोलीस ठाण्याचे पोलीस निरीक्षक अशोक मोदीराज,पो. मोटे यांनी तात्काळ घटनास्थळी जावून जखमीला उपचारासाठी पाठवण्यात आले व घटनास्थळी पंचनामा करत असताना फायरिंग झालेल्या गोळ्याची बुलेट(पुंगळ्या) सापडल्या अधिक तपास पेठ बीड पोलीस करत आहेत. सरपंच खून प्रकरणातील घटना ताजी असतानाच, परळी येथील व्यापाऱ्याचे अपहरण व बीड शहरात ही गोळीबार झाल्याने बीडची बिहारच्या दिशेने वाटचाल होत असल्याचे चित्र दिसत आहे.

आनंद वीर

पत्रकार आणि पार्श्वभूमी दैनिकाचे जिल्हा प्रतिनिधी बातम्या व जाहिरातीसाठी थेट संपर्क करा - मो.: 8623880100 | ईमेल: veeranand478@gmail.com

Leave a Reply

Your email address will not be published. Required fields are marked *

Back to top button