सरपंच देशमुख खून प्रकरणातील आरोपींना,मास्टर माईंडला अटक करण्यासाठी मोर्चा ! तारीख जाहीर
पंधरा दिवसानंतरही आरोपी फरार कसे ?

मस्साजोग येथील सरपंच संतोष देशमुख यांचे दिवसाढवळ्या अपहरण व हत्या करण्यात आली होती. या हत्याने बीड जिल्हायासह महाराष्ट्र हादरला होता. बीड शहरातील आशीर्वाद लॉन्स येथे आज सरपंच देशमुख यांच्या हत्येचा निषेध करून सर्वपक्षीय श्रद्धांजली अर्पण करण्यात आली.या बैठकीस संतोष देशमुख यांची मुलगी वैभवी उपस्थित होती.आमच्या कुटुंबाला न्याय द्या व आरोपींना फाशी द्या अशी भावनिकसाद घालून मारेकऱ्यना फाशी द्या आमच्या कुटुंबाच्या मागे उभे रहा अशी मागणी केली. श्रद्धांजली कार्यक्रमातच हत्यातील आरोपी व मास्टरमाईंड अद्यापही फरार असल्याने पोलिसांच्या कार्यपद्धतीवर प्रश्न चिन्ह उपस्थित झाल्याने अधिवेशनात महाराष्ट्राचे मुख्यमंत्री देवेंद्र फडणवीस यांनी बीड पोलीस अधीक्षक अविनाश बारगळ याची तडका फडकी बदली केली. परंतु आज 15 दिवस होऊन देखील या हत्या मागील मास्टरमाइंड अद्यापही पोलिसांनी आरोपी अटक केली नसल्याने 28 डिसेंबर शनिवार रोजी सकाळी डॉ. बाबासाहेब आंबेडकर पुतळ्यापासून ते कार्यालयावर मोर्चा निघणार आहे. सरपंच देशमुख यांना न्याय मिळण्यासाठी या मोर्चा मध्ये लाखोच्या संख्येने सामील व्हावे असे आयोजन संयोजक समिती व सर्वपक्षीय नेत्यांनी केले आहे.