ट्रक/कार अपघातात चौघांचा मृत्यू दोन गंभीर..
नववर्षाच्या पहिल्याच दिवशी चौरे कुटुंबावर काळाचा घाला.

नवीन वर्षाच्या पहिल्याच दिवशी देवदर्शन करून परतणाऱ्या कुटुंबावर काळाने घाला घातला सोलापूर- धुळे महामार्गावर अंबड तालुक्यातील महाकाळा फाटा येथे नादुरुस्त उभी असलेल्या ट्रकला कार मागुन धडकल्याने भीषण अपघातात एकाच कुटुंबातील चार जणांचा मृत्यू झाला आहे. तर दोन जण गंभीर जखमी झाले आहेत.
अक्कलकोटवरून गणगापुर हून देवदर्शन घेऊन परत गावाकडे येत असताना भाविकांच्या गाडीला अपघात होऊन चार भाविकांचा मृत्यू झाल्याची दुःखद घटना घडली आहे. मयत सर्व एकाच कुटुंबातील असल्याने सर्वत्र हळहळ व्यक्त केली जात आहे.सोलापूर- धुळे महामार्गावर महाकाळा येथे आज दुपारी बारा वाजेच्या सुमारास हा भीषण अपघात झाला आहे. यात महामार्गावर नादुरुस्त उभ्या असलेली ट्रक क्रमांक के. ए. ३२ डी ९२८३ ही नादुरुस्त होती बीडकडून संभाजीनगरकडे जाणाऱ्या एमएच २० सीएस ६०४१ या होंडा सिटी कारने पाठीमागून जोरदार धडक दिल्याने हा भीषण अपघात झाला आहे. अपघातग्रस्त कार मध्ये सहा जण होते. यातील चार जणांचा जागीच मृत्यू झाला आहे. तर अन्य दोन जण गंभीर जखमी झाले आहे.कार पुर्णपणे ट्रकमध्ये घुसली होती जवळपासच्या नागरिकांनी गाडीची तोडतोड करून जखमी मृतदेह बाहेर काढण्यात आले.अपघातातील मृतांची नावे अनिता परशुराम कुंटे(४८) रा. छ.संभाजीनगर,भागवत यशवंत चौरे (४७)सृष्टी भागवत चौरे (१३)वेदांत भागवत चौरे (११) सर्व रा.अंबड रोड जालना येथील रहिवाशी आहेत.तर या चारचाकी गाडी चा चालक वाचला असून तो जखमी झाला आहे.परशुराम लक्ष्मण कुंटे ५५ हे स्वतः गाडी चालवत होते.ते छ.संभाजीनगर येथील रहिवाशी आहेत.तर छाया भागवत चौरे ४० रा. अंबड रोड जालना या जखमी झाल्या आहेत.गत आठवड्यात शहागड येथे उभ्या असलेल्या ट्रकला आयसरची धडक बसल्याने दोन जण ठार झाले होते आज पुन्हा नादुरुस्त रस्त्यात उभ्या असलेल्या वाहनांमुळे चार जणांची बळी गेला आहे.जखमींना छत्रपती संभाजीनगर येथे उपचारासाठी दाखल मयताला शवविच्छेदन करण्यासाठी शहागड येथे शासकीय रुग्णालयात दाखल केले आहे.दरम्यान घटनास्थळी गोंदी पोलीस दाखल होवून पंचनामा केला आहे.