ताज्या घडामोडी

पिस्टल बाळगणारा पोलिसाच्या ताब्यात.

बीड जिल्ह्यात हजारो अवैध शस्त्र,पिस्तूल कोण सप्लाय करताय ?

बीड जिल्ह्यात शस्त्र परवाना प्रकरण ऐरणीवर असल्याने जिल्हा प्रशासनाने परवानाधारक शस्त्र बाळगणाऱ्याची तपासणी सुरू केली, हातात शस्त्र घेऊन फोटो काढणे व ते सोशल मीडियावर व्हायरल करणारावर पोलिसांकडून कारवाई केली जात आहे,तसेच परवान्यांची पडताळणी सुरु केली आहे. परवानाधारकावर पुणे दाखल असल्याने अनेक परवाने रद्द करण्याचा प्रस्ताव देखील सादर करण्यात आला आहे.दहशत निर्माण होऊ नये यावर पोलिसांची करडी नजर आहे. यातच गुप्त माहितीच्या आधारे अंबाजोगाई पोलिसांनी शहरातील मोरेवाडी परिसरात पाण्याची टाकी जवळ गावठी पिस्टल (कट्टा) घेऊन फिरणाऱ्या एकास जेरबंद केले.पाण्याची टाकी परिसरात श्रीकांत उर्फ बबलू पांडुरंग भोसले(वय 41, रा. यशवंतराव चव्हाण चौक, अंबाजोगाई) हा गावठी पिस्टल कंबरेला लावून फिरत असल्याची गुप्त माहिती अंबाजोगाई पोलिसांना मिळाली होती. सदर माहितीच्या आधारे पोलिसांच्या पथकाने त्या ठिकाणी जाऊन छापा मारला. यावेळी पोलिसांना पाहून श्रीकांत भोसले पळून जाऊ लागला. पोलिसांनी पाठलाग करुन त्यास पकडले आणि त्याची झडती घेतली असता त्याच्याजवळ अंदाजे 40 हजार रुपये किमतीचे गावठी पिस्टल आढळून आले. पोलिसांनी पिस्टल जप्त करुन श्रीकांत भोसले याच्यावर शस्त्रास्त्र प्रतिबंधक कायद्यान्वये अंबाजोगाई शहर ठाण्यात गुन्हा नोंदवण्यात आला. हि कामगिरी पोलीस अधीक्षक नवनीत कॉवत, अपर अधीक्षक चेतना तिडके यांच्या मार्गदर्शनाखाली शहर ठाण्याचे पोलीस निरिक्षक विनोद घोळवे,एपीआय कांबळे, पोलीस कर्मचारी आवले, वडकर, नागरगोजे, काळे यांनी केली.

 

आनंद वीर

पत्रकार आणि पार्श्वभूमी दैनिकाचे जिल्हा प्रतिनिधी बातम्या व जाहिरातीसाठी थेट संपर्क करा - मो.: 8623880100 | ईमेल: veeranand478@gmail.com

Leave a Reply

Your email address will not be published. Required fields are marked *

Back to top button