ताज्या घडामोडी

एसआयटी मधील तीन अधिकाऱ्यांची उचलबांगडी ! वाल्मीक कराड सोबतचे फोटो भोवले .

वाल्मीक कराड सोबत मित्र संबंध असल्याचे उघड.

मस्साजोग येथील सरपंच संतोष देशमुख यांचा खंडणी प्रकरणातू वाद झाल्याने या वादातून देशमुख यांचा निघृणपणे हत्या करण्यात आली होती. या हत्याप्रकरणामुळे राज्यभरातील वातावरण प्रचंड तापल्यानंतर महायुती सरकारने संतोष देशमुख हत्याप्रकरणाचा तपास एस आय टी कडे द्यावा अशी मागणी देशमुख कुटुंबे व लोकप्रतिनिधींनी केली होती. त्यामुळें हत्येच्या तपास करण्यासाठी १० जणांचे विशेष तपास पथक (एसआयटी) तयार केले होते.मात्र, या एसआयटीमधील पोलिसांच्या विश्वासर्हतेवरच शरद पवार गटाचे आमदार जितेंद्र आव्हाड यांनी प्रश्नचिन्ह उपस्थित केले होते.यात एसआयटी पथकाचे प्रमुख आयपीएसडॉ.बसवराज तेली यांचा अपवाद वगळता इतर सर्व पोलीस अधिकारी हे वाल्मिक कराडचे पोलीस आहे, असा दावा जितेंद्र आव्हाड यांनी ट्विटच्या माध्यमातून केला. दाव्यानंतर पोलीस प्रशासन खडबडून जागे झाले असल्याचे बघायला मिळाले आहे.कारण वाल्मिक कराड सोबत फोटो काढणे पोलीस अधिकार्यांना अंगलट आले आहे.शरद पवार गटाचे आमदार जितेंद्र आव्हाड यांच्या अक्षेपानंतर एपीआय महेश विघ्ने यांची उचलबांगडी करण्यात आली आहे.एपीआय महेश विघ्ने यांच्यासह इतर दोघांना एसआयटीतून बाजूला करण्यात आले आहे.संतोष देशमुख प्रकरणातील सूत्रधार असल्याचा आरोप होत असलेल्या वाल्मिक कराड सोबत महेश विघ्ने यांचा फोटो वायरल झाला होता. त्यानंतर राष्ट्रवादी शरद पवार गटाचे आमदार जितेंद्र आव्हाड आणि राष्ट्रवादी अजित पवार गटाचे प्रवक्ते सुरज चव्हाण यांनी महेश विघ्ने यांच्या बाबत प्रश्नचिन्ह उपस्थित केले होते. तिन्ही कर्मचारी बीड स्थानिक गुन्हे शाखेचे कर्मचारी आहेत. एसआयटी मध्ये यांचा समावेश झाल्यानंतर सुद्धा बीडच्या स्थानिक गुन्हे शाखेने त्यांना रिलीव्ह केलेले नव्हते. याचाच अर्थ हे तिघेजण आता एसआयटीचा भाग असणार नाहीत. वाल्मीक कराड सोबत महेश विघ्ने यांचे सोशल मीडियावर व्हायरल झाल्याने त्यांना विशेष पथकातून काढावे अशी मागणी विरोधकांकडून करण्यात आल्याने आज महेश विघ्ने सह दोघांची एसआयटीतून उचलबांगडी करण्यात आली.

 

 

आनंद वीर

पत्रकार आणि पार्श्वभूमी दैनिकाचे जिल्हा प्रतिनिधी बातम्या व जाहिरातीसाठी थेट संपर्क करा - मो.: 8623880100 | ईमेल: veeranand478@gmail.com

Leave a Reply

Your email address will not be published. Required fields are marked *

Back to top button