एक कोटीचा गुटखा पोलिसांनी पकडला !

बीड(प्रतिनिधी) महाराष्ट्र राज्य सरकारने गुटखा व  तंबाखूजन्य पदार्थावर बंदी कायदा असताना देखील बीड जिल्ह्यात मात्र सर्वत्र खुलेआम गुटखा विक्री होत असताना दिसत आहे. अन्न व औषध प्रशासनाच्या अर्थपूर्ण दुर्लक्षणने बीड जिल्ह्यात हॉटेल,टपरी, किराणा दुकान ,चहा गाडे यावर गुटखा सहज मिळत असल्याने अन्न व औषध प्रशासन अधिकाऱ्याच्या कार्यपद्धती व प्रश्नचिन्ह निर्माण होत आहे. 

   केज ते कळंब रोडवरील एचपी पेट्रोल पंपासमोरून अशोक लिलॅन्ड कंपनीच्या ट्रकमधून अवैध गुटख्याची  वाहतूक होत असल्याची गुप्त माहिती केज पोलिसांना मिळताच छापा मारला यावेळी गुटख्याचा मोठा साठा जप्त केला आहे. या कारवाईत एक कोटींचा मुद्देमाल पोलिसांनी ताब्यात घेतला आहे. शुक्रवारी याप्रकरणी गुन्हा दाखल करण्यात आला असून दोन आरोपी पोलिसांनी ताब्यात घेतले आहेत

रईसोद्दीन अमीरोद्यीन शेख वय 50 वर्षे रा. मिल्लतनगर ओकाला रोड ता.जी. रतलाम, राज्य मध्यप्रदेश(Madhya Pradesh) व परशुराम मोहन गायकवाड रा. एकनाथ वाडी ता. पाथर्डी जि अहिल्यानगर हमु. बीड या दोघांना ताब्यात घेण्यात आले आहे. तर जालिमसिंग (रा. बेहरामपुर, पुर्ण नाव माहीत नाही.रुपेश मालपाणी रा. कळंब जि. धाराशिव हे दोघे फरार आहेत. ट्रक चालक रईसोद्दीन अमीरोद्यीन शेख, परशुराम गायकवाड बेकायदेशीररित्या, महाराष्ट्र राज्यात बंदी घातलेला असताना राज निवास पान मसाल, राजनिवास पान मसाला तंबाखु, डायरेक्टर स्पेशल पान मसाला, डायरेक्टर स्पेशल पान मसाला तंबाखु चा माल चोरटी विक्री करण्याकरीता ट्रक क्र. एम. एच.डीडीओ 1 एस. 9442 घेवुन जात असताना केज ते कळंब रोडवरील एचपी पेट्रोल पंपासमोरून पोलिसांनी ताब्यात घेतला. यावेळी 74 लाख 72 हजारांचा गुटखा व 27 लाखांचा टेम्पो असा 1 कोटी 1 लाख, 52 हजारांचा मुद्देमाल जप्त करण्यात आला आहे. या गुन्ह्याचा पुढील तपास सपोनि मांजरमे हे करत आहेत.