स्पा सेंटरच्या नावाखाली बीड शहरात वेश्याव्यवसाय.

बीड – शहरातील गजबजलेल्या आणि मध्यवर्ती ठिकाण असलेल्या सारडा कॅपिटलमधील एका तळघरात स्पा सेंटरच्या नावाखाली वेश्याव्यावसाय चालू असल्याची गुप्त माहिती मिळताच बीड शहर पोलिसांनी डमी ग्राहक पाठवून मंगळवारी रात्री ८ वाजेच्या सुमारास कारवाई केली. यामध्ये चालकाला बेड्या ठोकल्या असून नाशिकच्या पीडित महिलेची सुटका करण्यात आली आहे.

प्रमोद सदाशिव शेळके (रा.नेकनूर ता.0बीड) असे पकडलेल्या आरोपीचे नाव आहे.बीड शहरातील सारडा कॅपिटर परिसरात एका कोपऱ्यातील तळघरात ब्लीस नावाचे स्पा सेंटर आहे. याच ठिकाणी मागील काही दिवसांपासून वेश्या व्यावसाय सुरू असल्याची माहिती होती. मंगळवारी सायंकाळी बीड शहर पोलिसांनी डमी ग्राहकाला एक हजार रूपये देत स्पा सेंटरमध्ये पाठविले. आतमध्ये वेश्याव्यवसाय चालत असल्याची माहिती मिळताच पोलिसांनी छापा मारला. यात एका पीडितेची सुटका करण्यात आली. रात्री उशिरापर्यंत गुन्हा दाखलची प्रक्रिया सुरू होती. बीड शहरा मधील इतर स्पा सेंटर ची देखील तपासणी करावी तसेच काही लॉज मध्ये देखील खुलेआम वेश्याव्यवसाय व अल्पवयीन जोडप्यांना रूम देत असल्याच्या अनेक तक्रारी येत असून अश्या लॉजची पोलीस अधीक्षकांनी तपासणी आदेश देऊन कारवाई करण्यात यावी व त्या लॉज चालकाचा परवाना कायमस्वरूपी रद्द करण्यात यावा अशी देखील मागणी होत आहे.

ही कारवाई बीड पोलीस अधीक्षक नवनीत कॉवत, अप्पर पोलीस अधीक्षक सचिन पांडकर,शहर पोलीस ठाणे पोलीस निरीक्षक शितल कुमार बल्लाळ, पो. हा.वायकर, पो. शहेनशहा,पो अशपाक सय्यद, पो. मनोज परजणे,पो.सुशांत,पवार,चालक नवले यांनी केली.