कोर्टाच्या आवारातच सरकारी वकिलाने घेतला गळफास !
कोर्टच्या आवारात गळफास घेतल्याने खळबळ,वकिलाजवळ आढळली सुसाईड नोट.
बीड-येथील एका सरकारी वकिलाने वडवणी न्यायालयाच्या आवारातच गळफास घेऊन आत्महत्या केल्याने खळबळ उडाली आहे. न्यायालयातील एका खोलीत ही आत्महत्या केल्याची प्राथमिक माहिती आहे. पोलीस याप्रकरणाचा पुढील तपास करीत आहेत.
विनायक लिंबाजी चंदेल (वय-४८) असे आत्महत्या केलेल्या सरकारी वकिलाचे नाव असल्याचे कळते. आज सकाळी न्यायालयात चंदेल यांनी आत्महत्या केल्याचे समोर आल्यानंतर खळबळ उडाली. वडवणी पोलीस ठाण्याच्या सपोनि वर्षा व्हागाडे घटनास्थळी पोहचल्या असून चंदेल यांनी आत्महत्या करण्यापूर्वी सुसाईड नोट देखील लिहिल्याचे कळते. पोलीस याप्रकरणाचा तपास करणार असून या घटनेमुळे मात्र जिल्ह्यात खळबळ उडाली आहे.
आठ महिन्यापूर्वी आले होते वडवणीला सरकारी वकील विनायक चंदेल आठ महिन्यापूर्वी वडवणी च्या न्यायालयात रुजू झाले होते. आठ महिन्यापासून ते सरकारी वकील म्हणून काम करताना त्यांची कारकीर्द देखील चांगली राहिली होती. आज सकाळी अचानक आत्महत्या केल्याचा प्रकार समोर आल्याने एकच खळबळ उडाली असून आत्महत्येचे कारण मात्र अस्पष्ट आहे.
