लॉजवर जुगार खेळताना ६ जणांवर धडक कारवाई;आठ लाखांचा मुद्देमाल जप्त.

माजलगाव येथील बड्या बापाच्या ६ वारसांचा पोलिसांच्या धडक कारवाईने उघडकीस आला आहे. सुखसागर हाॅटेलमध्ये छापा टाकून जुगारी वारसांकडून ८ लाख ३५ हजार शंभर रूपयांचा मुद्देमाल पोलिसांनी जप्त केला आहे.

माजलगाव शहरातील अनेक लॉजेसवर राजरोसपणे अवैध धंदे, वेश्या व्यवसाय सुरू असून शहरातील छत्रपती संभाजी महाराज चौकात असलेल्या हॉटेल सुखसागर या आलिशान हॉटेलवर पोलिसांनी शनिवारी रात्री छापा टाकला, त्या ठिकाणी एका रूम मध्ये जुगार खेळताना शहरातील बड्या लोकांची सहा मुल पोलिसांना आढळून आली असून त्यांच्या ताब्यातून जुगार साहित्य ८ लाख ३५ हजार रूपयांचा मुद्देमाल पोलिसांनी जप्त केला आहे.

या प्रकारामुळे शहरात खळबळ उडाली असून या छाप्याची चर्चा होत आहे. शहरातील विविध लॉजेसवर राजरोसपणे अवैध धंदे बिनधास्तपणे सुरू आहेत. त्यातच शहरात संभाजी चौकात असलेल्या आलिशान सुखसागर या हॉटेलमध्ये जुगार खेळला जात असल्याची माहिती शहर पोलिसांना मिळाल्याने शनिवारी रात्री साडेआठच्या सुमारास पोलिसांनी तेथे छापा टाकला, त्यावेळी तेथील रूम नंबर २०१ मध्ये परिक्षीत सिद्धेश्वर जाधव, स्वप्निल अमरनाथ खुर्पे, श्रीधर अशोक रांजवण, विश्वजीत प्रताप रांजवण, पृथ्वीराज रघुनाथ शेजुळ, मनोज विठ्ठल सोळंके हे बड्या घरचे सहा तरूण तिरट नावाचा जुगार खेळत असल्याचे आढळून आले. यावेळी पोलिसांनी जुगाराच्या साहित्यासह ८ लाख ३५ हजार शंभर रूपयांचा मुद्देमाल जप्त केला.या जुगाऱ्यांना शहर पोलीस ठाण्यात आणून त्यांचे विरुद्ध जुगार कायद्यान्वये कारवाई केली.

ही कारवाई बीड पोलीस अधीक्षक नवनीत कॉवत,अप्पर पोलिस अधिक्षक सचिन पांडकर यांच्या मार्गदर्शनाखाली पोलीस उपनिरीक्षक केरबा माकणे, हवालदार शेख अस्लम, महेश चव्हाण, अंगद घोडके, सुनिल गवळी यांनी केली. दरम्यान, या हॉटेलमध्ये राजरोसपणे जुगार व इतर अवैध धंदे सुरू असल्याची चर्चा आहे. दररोज हॉटेलच्या रूममध्ये जुगार खेळण्यासाठी मोठ्या संख्येने लोक येतात, यामध्ये काही राजकीय मंडळी देखिल येत असतात.मात्र हॉटेल व्यवस्थापक सुरेश पुजारी यांनी आम्ही एका व्यक्तीच्या नावावर आधार कार्ड घेऊन रूम देतो, आता काय चालले माहिती नाही असे म्हणून हात झटकत असल्याने हॉटेल चालकावर कारवाई करावी अशी मागणी होत आहे. पोलिसांनी छापा टाकून पकडलेली मुले ही श्रीमंतांची,मोठ्याची होती. पोलिसांनी कारवाई केली असली तरी यात मोठा आर्थिक व्यवहार झाल्याची चर्चा माजलगाव शहरात ऐकावयास मिळाली.

बीड शहरातील काही लॉजवर जुगार तसेच वेश्या व्यवसाय सुरू तसेच अल्पवयीन जोडप्यांना रूम दिल्या जात असून पोलिसांनी त्या लॉजवर धडक करावी करावी अशी मागणी नागरिकांतून होत आहे.