गावकऱ्यांनो सावधान ! बिबट्याचा शेळ्यावर हल्ला.

बीड जिल्ह्यातील काही खेडेगावामध्ये मागील काही महिन्यात ग्रामीण भागात बिबट्याचा मुक्त वावर वाढल्याने नागरिकात भितीचे वातावरण पसरले होते. बिबट्याने वन्य प्राण्यावर हल्ला केल्याच्या घटना घडल्या होत्या,तर बिबट्याने शेतात काम करणाऱ्या एका महिलावर देखील हल्ला केल्याने त्या हल्यात महिला ठार झाली होती त्यामुळे बिबट्याच्या भीतीने शेतकऱ्यांनी शेतामध्ये जाण्याचे सोडले होते.

  बीड शहरापासून जवळ असलेल्या वांगी परिसरात बिबट्याने शेळ्यांच्या कळपावर हल्ला केल्याची घटना घडल्याने शेतकऱ्यांमध्ये भीतीचे वातावरण पसरले आहे.

वांगी येथील बालासाहेब गोरख हाडूळे यांच्या शेळ्याच्या कळपावर बिबट्याने हल्ला केल्याने या हल्यात ११ शेळ्यांना ठार झाल्या आहेत.यामुळे शेतकऱ्यात भीतीचे वातावरण पसरले असून या शेतकऱ्यांना मोठ्या आर्थिक संकटाचा सामना करावा लागत आहे

बीड तालुक्यातील शेतकऱ्यांनी विशेष सावधानी बाळगणे आवश्यक आहे, विशेषत: वांगी, शिवणी, काठोडा, भवानवाडी, कुटेवाडी, जरुड, बाभळखुंटा, बोरफडी, हिवरा, मौजवाडी, मौज, बकरवाडी, घाटसावळी, पोखरी, आणि मैंदा या गावांमध्ये.  शेतकऱ्यांनी आपल्या जनावरांचे संरक्षण करण्यासाठी आणि शेती कामे करताना अधिक काळजी घेण्याचे आवाहन करण्यात आले आहे. वन विभागाशी या घटनेबाबत संवाद साधण्यात आला आहे, त्यामुळे शेतकऱ्यांनी सतर्क राहून सहकार्य करणे गरजेचे आहे.

बीड तालुक्यात बिबट्याचा वावर वाढल्याने नागरिकात भीतीचे वातावरण पसरले असून वनविभागाने त्या हिंस्त्र प्राण्याचा, बिबट्याचा तात्काळ बंदोबस्त करावा अशी मागणी शेतकरी करत आहेत.या शेतकऱ्याला वनविभागाने आर्थिक मदत करणे गरजेचे आहे.

शेळ्याच्या कळपावर बिबट्यानेच हल्ला केला की दुसरे एखाद्या हिस्त्र प्राण्याने याचा तपास देखील वनाधिकाऱ्यांनी लावण्याची गरज असून, बिबट्याने हल्ला केल्याची अफवा आहे याचा खुलासा करावा अशी देखील मागणी शेतकरी करत आहेत.