नगरपालिका निवडणुकीच्या पार्श्वभूमीवर आमदार संदीप क्षीरसागर काय म्हणाले पहा !

बीड (प्रतिनिधी) – आगामी बीड नगरपालिका निवडणुकीच्या पार्श्वभूमीवर आमदार संदीप क्षीरसागर यांनी आज कार्यकर्त्यांची बैठक घेऊन संघटनात्मक तयारीचा आढावा घेतला. या बैठकीत आमदार क्षीरसागर यांनी स्पष्ट केले की, “या निवडणुकीत माझ्या घरातील कोणताही उमेदवार उमेदवारी करणार नाही. बीड शहराचा विकास हेच माझे एकमेव ध्येय असून आपण एकजुटीने निवडणूक लढवून दहा हजार मतांच्या फरकाने नगराध्यक्ष निवडून आणू.”

बैठकीत त्यांनी कार्यकर्त्यांना जातीपातीला थारा न देण्याचा, शिस्त, एकता आणि विकासाच्या मुद्द्यांवर लक्ष केंद्रित करण्याचे आवाहन केले. बीड शहरात मागील काही वर्षांतील विकास कामे, नवीन प्रकल्प आणि नागरिकांच्या सुविधा यांवरही त्यांनी भाष्य केले.

आमदार क्षीरसागर यांच्या या भूमिकेमुळे बीडमधील राजकीय वातावरणात उत्सुकता निर्माण झाली आहे. नगरपालिकेच्या निवडणुकीत कोण उमेदवार मैदानात उतरणार आणि कोणत्या आघाड्या निर्माण होतील, याकडे सर्वांचे लक्ष लागले आहे. मात्र नगरसेवक सहल नगराध्यक्ष आपलाच असेल असा विश्वास व्यक्त केला आहे. तसेच माझ्या कुटुंबातील एकही उमेदवार नसल्याचा देखील सांगण्यात आले. यामुळे नगराध्यक्ष पदासाठी कोणाला संधी मिळणार याकडे अवघ्या बीड जिल्ह्याचे लक्ष लागले आहे. संदीप क्षीरसागर यांनी बोलविल्या बैठकीला शहरातील कार्यकर्ते मोठ्या प्रमाणात उपस्थित होते.